الرجل يلقى له مع الاجناب من يشبه أخيه ومن جملة الاقراب من ينوي كسر ترقوته - أحمد بن محمد الخواري السفري

الصاحب اللي ما يقدر خوتك حذرا تجيه
اسحب على مندوبه السامي وجنب خوته
الشين في بيض الليالي سود الله وجه أبيه
أسلم على الرجال يترك من تضيع مروته
إسمع كلام اللي عن السفهان راسه مشتريه
ويعز نفسه عن وجيه بكل سلم مفوته
لا بد تفطن ياسليم القلب والعقل النبيه
واختار لك محزم ظفر تقدح شرار حموته
ازرع عليه الطيب واسقه كل مده واحتريه
فالضيق يظهر فالرجل ثمره ونوع اخوته
اللي تحزم بالكفو لا جار وقته يحتميه
واللي تحيزم بالنذل يفجر عليه عبوته
الرجل يلقى له مع الاجناب من يشبه أخيه
ومن جملة الاقراب من ينوي كسر ترقوته
أكبر مثال ان النبي حورب من قريش وذويه
وأهل المدينه رحبوا مليون به ونبوته
 
أحمد بن محمد الخواري السفري
© 2024 - موقع الشعر