وقال العفار راثياً أخيه عبيد - ضيف الله العفار

ياونتي ونة كسير الجباره
الى وقف ماحتال ولياقعد ون

عليك ياشباب ضو المناره
عليك ترفات الصبايا ينوحن

من مات عقب عبيد قلنا وداره
لا باكي عقبه ولا قيل من

تبكيك صفر البسوها غياره
تبكيك يوم ان السبايا يعنن

وتبكيك وضح ربعن بالزباره
اليا قزن من خايع ما يردن

الخيل عقب عبيد مابه نماره
وش عاد لو راحن وش عاد لو جن

ياشيخ ماتامر عليهم بغاره
كود الجروح اللي على القلب يبرن

يقطع صبي ما ينادي بثاره
الى اقبلن ذولي وذوليك قفن

ياهل الرمك كل يعسف مهاره
والمنع مانطريه لاهم ولا حن

© 2024 - موقع الشعر