حلم مقتول

نص العمر اقفى / وانا بانتظاري
ونص العمر مازال غامض ومجهول

ياما سريت .. واتعبنّي المساري
وياما طرقت الباب / والباب مقفول

ماعمر كان الحب شي اختياري
الحب نبض ٍ بين قلبين موصول

امسيت متأمّل بروعه نهاري
واصبحت وحمول الاسى زادت حمول

مرّت مثل غيمة وكنت الصحاري
اللي تشفّق منها امطار وهطول

ياكم اخايل حلم دار بمداري
كل ماله اسري .. له مسافاتي تطول

بالحال .. ماغير الله بالحال داري
عايش .. ولكن داخلي ( حلم مقتول )