غلاك فيني - مبروك الجابر

ياللي مكانك داخل القلب موجود
عز الله إنه ما سلا عنك مره

غلاك فيني كل يوم ٍ هو ايزود
الحب لك يابنت هذا مقره

هذا الوله في داخلي ماله حدود
يانبض قلبي كل طيفك يمره

عرق الغلا بالصدر ياهيه مشدود
وانتي غرام الروح وللعين قره

كل الحلا والزين بعيونك السود
من زين منطوقك خفوقي يجره

بعيوني اشوفك ولا فيك منقود
سبحان ربي صورك تقل دره

الشوق ذابحني ولاعنه منشود
داخل فؤادي راسم اليوم جره

لاشك ابصبر والصبر دوم محمود
ومنهو صبر يالقاء اعلوم تسره

حبل الرجاء مابيننا اليوم معقود
الله ايجيرك من صواديف شره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر