القريحة

القاف له معنى ومغنى وميعاد
والفكر ترجم ما تجود القريحه

عند المواقف دايم الدوم تزداد
قريحتي بالشعر ماهي شحيحه

في داخلي صوته كما صوت رعاد
تطغى على فكري بيوت صريحه

ابيات نكتبها جزيلات وجداد
فيها من الحكمه وفيها نصيحه

اصوغها بإحساس صادق وتنقاد
وابعد عن المتردية والنطيحه

اقولها وطلعبها فوق الاشهاد
والعلم نفرق كذبته من صحيحه

ماني عن الهزلات ياناس نشاد
ولاني من اللي كاسبينه منيحه

اما تجي بالطيب ولا ترى عناد
دام الحقايق كل زيف تزيحه

الشعر ديوان العرب منبع الضاد
اقولها ياهل الوجيه الفليحه