حلي ياحلاوه حلي

أعذروني عن غياب ٍ زلّته مدموحه
وأسمحوا لي لين أراجع سيرتي وسجلّي

غبت كليّ والدوافع كلّها مشروحه
أفتحوا كشف الحضور وسجلّوني كلّي

هكذا طعم المحبّه .. حلوه ومملوحه
وهكذا الفرقا مملّه .. والوصال مسلّي

العلم مرفوع يا اللي ترفعون اللوحه
الشحيح يصدّ عنيّ والكريم يهلّي

دام باقي في ضميري نافذه مفتوحه
عبرها ينفذ شعوري لين يبرد غلّي

قلبي المجروح مدري كبدي المجروحه
جرّ عمرك يا النسم بين الضلوع وقلّي

دمعتي تبحث خفاي وضحكتي مذبوحه
هيّنه والصبر طبعي والقناعه دلّي

ما بقا للشعر واهس والهجوس تشوحه
بين منقود الرفيق وبين شرهة خلّي !

أنقرض نسل القصيد وراح راحت روحه
وأكثر الشعّار ولّت والزمان مولّي

أنتكس حاله وحال الساحه المسيوحه
الحصن تضبط وتربط والكديش تفلّي

يا معين الصايبه والمخطيه مسموحه
قام يمشي مع رصيف الشمس..راكب الليّ !

جاك وقت الذرّه المفترّه الدرموحه
عقب باد ( المارتين ) وبادت ( العصملّي )

يفزع الطحطوح وألاّ تفزع الطحطوحه
الدعاوي حطّها وأشتالها بامجلّي

كيف صدّرت الفتاوي يا بناخي توحه
وأنت لا تعرف تصوم ولا تعرف تصلّي ؟

كلّ ما هبّ النسيم أستنزلت منفوحه
والعليّا يا ماشاء الله حظّها متعلّي

القضيّه بين شمطان اللحا مطروحه
ينقطع حبل النفاق وعقدته تنحلّي

طاوله وأربع كراسي وأمسيه وأصبوحه
والله الله .. مير حلّي يا حلاوه حلّي