اعتبرني دفاعي - سحايب العازمي

اعتبرني دفاعي .. واعتبرني هجوم
لين يخزا اللعين وكل قاسي يلين

المعاني تراها مثل زرق السهوم
عارفه بالحقايق وانتبه للكمين

والله اني عن دروب الرذيله أشوم
لا تعيد العلوم وتبيح الكنين

أطلب العافيه لا يجيك حرً جزوم
وكل خافي كفيله غابرات السنين

اعتلي فوق هامه واصله للنجوم
الله اللي رفع رافع العالمين

ابك انا لا نزفت القاف شعري يدوم
افهم المفردات وكل مقصد لعين

كان تبغى صوت واضح للعموم
وكان تبغى علم .. أخذ الكلام اليقين

الحذر والحذر قدام برد وسموم
قالها نسل حام مهجرسات الحنين

© 2022 - موقع الشعر