مدري وادري كلهن وسط صدري
بدري ولا ادري كيف حنا سرينا
وبين النواظر دمعت الخد تجري
همن يسوق الحال طول السنينا
كل المشاعر بيحت هيض عذري
يوم القمر ماغاب نوره علينا
واسترسلت ريح النفل والبختري
من وسط روض ٍفيه ورداً حسينا
لاهبت النساس والوقت بدري
فاحت رياحين الخزاما تجينا
بجو الربيع اللي على القلب يطري
سحر الطبيعه صار منا وفينا
ترجمتها بشعور وأحساس شعري
سحر الطبيعه من شمال ويمينا
لا جيت اسامرها على وضع قدري
حرف القوافي ينكتب من يدينا
مدري ولا ادري لكن الكل يدري
مانرجع لأسفل بعد ماعتلينا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر