أهل الفشن الطيبين - فيصل الخطيب

الفشن دى بلد الطيبة
غاليه عليا وحبيبة
فيها ريحة كل الحبايب
الحاضر منهم واللي غايب
زرعها وجبالها وصحاريها
ونيلها وشوراعها واهاليها
قعدة على شط النيل حكاية
وشاي الكانون علي الركاية
الساحة ونادي الترعه
عدت الأيام الحلوه بسرعة
يابلدي يا تاريخ ضايع
ومهما قلنا.. مين سامع؟
بحبك يابلدي بحبك
يا فشن بحبك ومين قدك
تلت والعزبه اقفهص والنزله
زينة الصعيد القلب ينحازله
شنراوي هنساوي قضابي
اهلي واخواني واصحابي
الدير والعجره والحيبه
من زيك يا بلدي حبيبه
علي خليفه ومنسابه
مين فينا ينسي احبابه
كفر درويش والجمهود
حبك فى قلبي ماله حدود
صفط الخرسه والنور
بيك يا بلدي انا فخور
صفط العرفا والبرقي
شهامة الرجل الشرقي
الشراهنه ونزلة حنا
الفشن بالجدعنه تتحنا
الكُنِّيسه والجفادون
بلدي يعنى القلب الحنون
ابسوج وجزيرة الوكليه
الفشن روحي وعنيه
بنى منين والزاوية الخضرا
وفي غيطانها تحلي السهرا
بسفا وطلا ومنشية عمرو
قضيت فيها أيام العمر
تيجي للفشن المدينه
تلقاها مزيونه أحلى زينه
الفشن بعزبها وقراها
وكفورها ونجوعها يا محلاها
لو تسألني دولا مين
دول أهل الفشن الطيبين
© 2024 - موقع الشعر