تعبي تعب

لـ فيصل الخطيب، ، في غير مصنف

تعبي تعب - فيصل الخطيب

تعبي من تعبي تعب
ومن كتر البكا ليا عتب

خمري البكاء
لكنه مش بيسكرني

ودمع الهم والحزن
في جوف الليل بيكسرني

مين انا في حياته فارق
وببعدي عنه يخسرني

فكري في بكرا كلبش
ولا داري ايه يحررني

طموح كداب ووهم كبير
عشته لحد ما دمرني

آمالي ضباب في مهب الريح
وسحاب ببرقه يصعقني

حلم جميل شفته
غدر بيا وهجرني

صبري علي حالي طال
والصبر طفش مني

الكَسّرَه بقت عاده
والوجع خدني تبني

عايش حياة متغيره
والفرح زهق مني وباعني

بصرخ بحرقة بين الجبال
ولا غيرها نَفسي تسمعني

ولا ليش انا غيرك يارب
تشفيلي وجعي وتطمني

© 2024 - موقع الشعر