حواله اهل الطاله

لـ ، ، في المدح والافتخار

المنسابة: زواج ابنا الشيخ محمد عبدالله مصلح الحوالي

بسم الله الرحمن جل جلاله
ماخاب عبده لالجاء في جاله

واعداد ماحج الحجيج وكبر
واعداد منشاء راعداً وخياله

صلو على محمد صلاة مودع
عداد كثبان الجبل ورماله

وبعدها منا سلاماً وافي
سلام ياهل المرجله والقاله

سلام يوصل كل واحد واحد
بالبن الاشقر لادرج فنجاله

واليوم جينا قدر من نادانا
راع الوفاء والمرجله نعناله

جينا نشارك فالفرح ونبارك
ونشاركه في فرحته بعياله

محمد الي لانصيته يجمل
الاصل طيب طيّب الله فاله

محمد الي لابغيته يفزع
فزعته ماهي فزعة المتباله

محمد الي كل علماً غانم
عيا عليه وماخذه بالحاله

شيخاً وله وقفه تجمل ربعه
وابوه شيخٍ من شيوخ حواله

حواله الي فالمواقف ونعم
حواله اهل الاوله والطاله

حواله الي يكرمون العاني
حواله الي تلطم العياله

حواله الي صفهم مايهزم
حتى ولوكان الدماء سياله

حواله الي يمنون الديره
والرجل فيهم فارساً وتكاله

يوفون حق الجار لاجاورهم
اهل الوفاء لاكالو الكياله

جيش الملك سلمان لاناداهم
جيشاً على جنوب الوطن وشماله

وشيخم شيخاً كريماً شامخ
بن شايق الي عالياً منازله

لاقال يفعل والرجال تحبه
بين القبايل ينعرف مدخاله

بن شايق الي لاعطاء مايبخل
مدته تغني عالماً رحاله

بن شايق الي يستضل بضله
حتى اثرب الشامخ شمخ بظلاله

وبن شايق الي لاتكلم تسكت
العالم الي واقفين اقباله

الكل يبغا يستفيد ويسمع
وقل الكلام اخير من طواله

ولسان قومه فالقاء بونايف
شاعر ولا ينطق يكون جزاله

وقفات ابو نايف معي محسوبه
شاعر وشيخ وطنخةً ورجاله

يفتل بيوت الشعر فتل وينقض
ينقض بعد مافتلو الفتاله

انشهد انك وافياً يامتعب
والكفو يرجع منسبه لخواله

بسم العوامر قلتها وخدمهم
خدمة بني عمي شرف وجماله

نارد على العد الرهاء ما نصدر
ولاحنا من الي يقصورن احباله

30 بيت اعدها ونقدها
مثيل نقد الراجحي لرياله

وازيدها صلو على اطهر خلقه
شفيعنا يوم الحشر وهواله


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر