راسي يبيله برج ايفل يطوله
لاصرت فوق البرج لقيت راسي
لا تحسب اني بنت عجله جفوله
ارعب انا دنيا نوت بفتراسي
ياهيه لي بالطيب صوله وجوله
سود الليالي ماثنت قو باسي
الروح من كثر المواجع ملوله
والشعر صغته من جروح وماسي
من مسرح أفكارة ونشوة خيوله
تخيل أنه بالخديعه يواسي
لي موقفً واحد ولي الف صوله
وتاريخك اللي يذكرونه مراسي
في مرقبً ياصعب والله وصوله
ولا كل طيحات الزمان امتواسي
ماكل قولً واجب انك تقوله
والناس ماهي بالطبايع سواسي
الطيب موقف والمعاني رسوله
وقمة شموخي بددت ليل ياسي
شوف الانوثه لاكساها رجوله
مليون مثلك مايجيبون راسي
وكأنك تمثل بالقصايد بطوله
أنا ورثته عن أبويه وناسي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر