يوم الخميس - احمد الكثيري

يوم الخميس العصر مريت غالين
اللي لهم بالقلب ذكرى طويله

شاهدت محبوبي باحلى الفساتين
وقف وناظرني بنظره جميله

يازين نظراته وهاك الشفاتين
من يشبه ياكود برق المخيله

يوم ابتسم لي حط بالقلب جرحين
لو مت يابوموسى تراني قتيله

شاهدت زوله وذرفت دمعة العين
قلي تحمل قلت مالي وسيله

غلاه ساكن وسط قلبي من سنين
والله انا منساه لو كان ليله

من عقب شوفك مارضى القلب تقفين
خافي من الله لا تهدين حيله

لو خيروني بين كل المزايين
ما اختارغيرك لو عليه بخيله

انتي جرحتي القلب والناس ممسين
وش لون قلبي يحتمل يا الكحيله

اصون حبك عام وباكر وهالحين
باصيح انا واقول قلبي قتيله

© 2023 - موقع الشعر