هاض فكر الشعر - احمد الكثيري

هاض فكر الشعر عندي واستهاض
وقمت اسجل ما يليق من البيوت

والسبب من برق خده يوم ناض
ارسل سهامه لقلبي دون صوت

جيت يمه قلت ياظبي الرياض
يا عسل يا ورد يا مشمش وتوت

في وسط قلبي ترى جروحك عراض
داو جرحي قبل ذكرانا تموت

التفت يمي واشوف الدمع فاض
من عيونه وجيت يمه في سكوت

امسح الدمعه عن خدودٍ بياض
قال اسمع قبل لا عني تفوت

الهوى والحب ما فيه اعتراض
شوف جسمي راح وضلوعي نحوت

الهوى يا ليت له حاكم وقاض
كان قدمت الادله والثبوت

وانتهي من حب سبب لي انخفاض
حط في قلبي هواجيس وشتوت

كم صبرت وصبر قلبي اليوم فاض
ما اهتنيت الشرب من ربعي وقوت

© 2024 - موقع الشعر