كذبة غرام - عبدالعزيز الصقيري

ويلك من اللة كذا .. ولعتني
بلحظة اللقيا على نار الغرام

لو ثواني باللقا ما أمهلتني
أرتوي من بحر تحنانك هيام

عن غلاك اللي أسرني أشغلتني
حيرة عيونك معانيها كلام

بالنظر تسأل كثير أحرجتني
من عيونك ترمق الخافق سهام

بنجل سود سلهمت صوبتني
ماتخاف اللة تجرحني ملام

بكل نظرة شك فيني زرتني
وسر صمت شفاك من خلف اللثام

ليتك.. بضحكة غلا كلمتني
او برعشة حرف يابدر التمام

كيف في لحظة لقاك أشعرتني
بشوق حب ماوجد منك اهتمام

كل مافيها عتاب أخجلتني
كن في نفسك على نفسي خصام

ويلك من اللة .. حبيبي خنتني
ماهقيتك ياوعد... كذبة غرام ...!

© 2022 - موقع الشعر