ابو انس يا جعل تفداه ( الانذال )

المدح له من يستحقه يا جهال
ماهو كذا .. كلاً على مايريده !

المدح له من يستحقه ، بالافعال
تزهى به حروف البيوت الفريده

يستاهل ان غنيت لك فيه .. موال
وان جبت في مدحه قصيده قصيده

اللي مايملك في رصيده ولا ريال
وان جيت بنك الطيب عالي رصيده

رجال .. لاقالو لك الناس رجال
وليده .. ان قالو وليده .. وليده

من دون لايملك عقارات واموال
بالطيب يكفي كاسب النعم بيده

واللي مايملك مع هل الطيب مثقال
لو هو غني !! اتقال فوق الحديده

وانا ليا صخرت في رجل الامثال
ماهمني لو من قبيله .. بعيده

المدح لاهل الطيب والحق ينقال
ولا نجيب علوم غير ( الاكيده ) ..

وشلون عاد ان صار لي عم او خال
لا لوم في مدحه علي .. او نقيده

ماللعتب ، واللوم ، والنقد مدخال
لو كل يوم اكتب قصيده .. جديده

وله حسبه ابراهيم عمي ومنزال
والله يشهد والخلايق .. شهيده !

اللي ولو مال الدهر فيه مامال
وياطيب راسه والليالي عنيده ..

وظروفها .. ماتبتلي غير الابطال
ماتبتلي راس الضعيف البليده

ولا اشغلت عمي له ظروفها بال
قويه عزومه ، عليها .. وشديده ..

وبذمتي مثله وشرواه .. محتال
يعز نفسه لو حياته .. زهيده

قناعته .. ماعرض النفس ، للذلال
وتعيش في حاجه بعز ، وسعيده ..

وعز الله ان مثله وشرواه مدهال
اللكل علمٍ يطلق الوجه .. سيده ..

وحزام ظهر .. وللثقيلات !! شيال
وان جار به وقته بعزمه يكيده

وان زاد جوره ماشقى فيه او طال
بالعكس .. كل مازاد قوه ، يزيده

وان طاب له ولا تردى اشكل الحال
الطيب فعله !! نبض دم ( بوريده )

ابو انس .. يا جعل تفداااه الانذال
وايام عمره .. يا عساها .. مديده