وان مات !! ذكره حي لازال ( طاريه )

لـ مرضي البلوي، ، في غير مصنف، 172، آخر تحديث

وان مات !! ذكره حي لازال ( طاريه ) - مرضي البلوي

يا ناشدٍ مرضي وش اللي جراله
مرضي فقد سيفه ،ودرعه ،وغاليه

وياناشدٍ عن حاله الحال .. حاله
لا تلحقه لوم .. وعتاب .. ومشاريه

مرضي فقد جده وهو راس ماله
والناس .. في حمدان جده تعزيه

ضمن الجموع اللي تعزي عياله
وضمن الجموع اللي تعزي بني خيه

وشلون مايحزن ومايضيق باله
وهو من الصدمه تهاوت مبانيه

وكنه على وجه البسيطه لحاله
والناس من كل البدايد حواليه

ومعذور لان الفقد فوق احتماله
والدمع جف ولابقى دمع بيكيه

وحمدان بن حماد لامن طراله
معذور كن جمر الغضى تحت رجيله

رمز الكرم حمدان لاجا مجاله
يوم الزمان اللي صعيبه لياليه

رمز الكرم رمز السخى طاب فاله
عن حاضر الايام ينبيك ماضيه

وتعطي يمينه دون تدري شماله
والضيف والعاني يشوف السعد فيه

رمز الوفا والطيب رمز الشكاااله
وان مات ذكره حي لازال طاريه

خلا فناجيله .. وخلا دلاله !!!
وخلا بخيبر كل الااجواد تنعيه

والباقي الله ربنا ذو الجلاله
والموت حق وكل نفسن تلاقيه

مات الرسول ومات صحبه واله
سبحان من تصريف الأقدار بيديه

© 2023 - موقع الشعر