ناون أشري من مراحيل الشواوي
من قشيط الحمر درموح ٍ ظهرها
لوتقيد مع بعارين الرواوي
ماتغير نفسها ولا نظرها
وجهها درموح كأنه وجه جاوي
من قصر لحيانها مدري شعرها
لامتون ولاش نسنوس ٍ رهاوي
لامشت تقول مشبوك ٍ ظهرها
مانبا بنت السهيف من السهاوي
من رهاها نص بوابة شخرها
وجهها طافح ومقدمها علاوي
كن وجه الذئب في لدة نظرها
في زمان ٍ فيه خطار وفداوي
تستر الأعراض يوم الله صخرها
لاتبنت كأنها بيت الغناوي
من تحنس يشكر الله ثم شكرها
بنت هرش ٍ طنته كل البداوي
كل مسلم يذكر لاسبرها
أصهب ٍ فاهق سنامه ومتساوي
مقدمه مثل التواليته وبرها
كن تخنطاله ومشيه فالمطاوي
فارس قاد السرايا في سطرها
إحسني ماهو مكلثم له كلاوي
كن عينه لارفع رأسه صعرها
من يشوفه لاجداه الا المناوي
بنت أبوه تشيل العالم صورها
من خوانه لابناته لاتراوي
بينن حرده على سود ٍ عمرها
ماتلوا في خشاريف الملاوي
ولاهدر وسط الحضانا في وعرها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.