بحر الشوق - زيد بن غيام

جهلتك في عيوني لين قال الشوق:هذي هي
نسيتك مادريت إن الهوى لاجلك بقى وافي

قسيت ولاقوت تصبر على شد الحبال يدي
كتمت وفاض بحر الشوق موجه يكشف الخافي

تعالي واسكني بيت الجروح اللي نفسها حي
معازيبك ترقب جيتك ياركنها الدافي

أبا أنافس صمودك بالجفا وأخذ معك وأعطي
ابا انافس ولكن من نظرهن طاحت اكتافي

أثر بعض العيون اللي هدبها للمحاجر..في
كثير اللي يعاني من سببهن والله الشافي

تأملت السراب ولاح في عيني قراح المي
عديت بلا شعور وجيت رمضا والقدم حافي

حقيقة لو جفيت وزاد في صدرك محل الكي
فلا تقوى على كسر الذي جاب الوفا صافي

حقيقة واسمع اللي عنده الدنيا فلا هي شي
ترى لحظة تلاقي بالهوى مضمونها كافي

© 2024 - موقع الشعر