الوداعيه المتحتّمه

يا ظروف الوقت للشاعره و الملهمه
ما تركتي لي مجال اتسلاّ و اسَلا

اادري اني فالبيوت النوادر مجرمه
مير من بعض الطواريق يادفع البلا

لو ما اغنيها يجوز ان صدري تقسمه
كل ما هوجس بها الفكر خفاقي غلا

لكن اليوم الوداعيه المتحتّمه
اسمحوا لي يا جماعه وقولوا لي هلا

منتدانا يجمع الطيب كله ما اظلمه
ولا تركته غير غصب علي والا ف لا

الظروف مقدره و الليالي مظلمه
صرت لظروف الزمن مثل ماقالوا حلا

وان كتب ربي و زانت بفضله وكرمه
جيت لاغلى منتدى يا عساني ما اخلا

واقبلوا مني تحيه و قافي بختمه
الله يبارك بكم كلكم جل و علا