وثـلاثــة احـــروف  يالـيـتـك  تنـاديـهـا - ريم المزحمي

لعل دار الغلا  يانوف  ممطوره
ابيه يسقي  مداهيله  ويرويها

مسمع ولا شوف غير الصوت والصوره
والطيبه مالها  ياكود  راعيها

البعد والصد منه النفس  مقهوره
ياللي مع البوش وتنادي  غواليها

ليتك تلد النظر  وتقول  مشكوره
وثلاثة احروف  ياليتك  تناديها

اللي يحبك علامك تجرح  شعوره
ناس(ن) تراعيك  لابدك  تراعيها

ولا ترا الحال  والاحوال  مستوره
واما استوت جعل ربي  مايسويها

تعبت والناس  منهيه  ومأموره
واهل الهقاوي تخلت عن  هقاويها

النفس في عشرتك ماهيب مجبوره
تفرض على غيري اشروطك وتمليها

الله يعز الوطن ويعز  اخو  نوره
اللي عمرها على  التقوى  وبانيها

© 2024 - موقع الشعر