شكـل المرايـه !!

احتفظ فيك ما بين الضلوع النحايف
يا تفاصيل ضحكة خاطري يا منايه

ادري انّك من فراقي مع الوقت خايف
وتدري انّي مابي بيني وبينك  نهايه

اجتمعنا على العفّه مثل ما انت شايف
وافترقنا عن دروب الردا و  الغوايه

خلهم يهرجون اللي بليا  وظايف
غير تفريقة العالم و حب  الوشايه

وعلّم اللي .. تكلف لا يزيد ( الكلايف 
ياخذ العلم ما دام الوضع  فالبدايه

قلب ريم الفلا عايف وعايف وعايف
كل زول ماهو زولك ما يكسب رضايه

كل شيٍ يجي بالغصب لو كان  زايف
غير قلب الفتاه وغير شكل المرايه !!