يابيت

يا بيت يا زينك و ما ازين رسومك
جيتك بعد ما طال عنك الغيابي

بالله سولف لي و عطني ،،علومك
اخذ السؤال و هات رد الجوابي

لاشك انا اعرف وش سبايب همومك
فقدتنا و فقدت ريف ،،،،،،، الركابي

بعد الشحم متفهمه ليش ..لومك
حقك علي يا بيت و ابليس هابي

اليا تذكرت اللي امضوه ،،، قومك
تضحك على جيل تويتر و السنابي

العبره اللي جاتني في ،،،، لزومك
تكشف،، عن اللي فالضمير النقابي

لو كان وقتك راح ما هو ب يومك
لك حق ازورك لو تجدد ،،،،صوابي