غيبة سهيل

عسى منزلٍ فيه الحسد ينهدم مبناه
وعسى بقعته طول الدهر ما يجيها السيل

شجرها بعد زمّ وينع ما يبلّه ماه
تهز العواصف غصنه الصلب ثم يميل

تناما الحسد ما بين عوده وبين لحاه
تبيّن له المرزم بعد غاب عنه سهيل

سكن به سفيه وعد نفسه مع أهل الجاه
توالي زمانه لزّ عاره مع أهل الخيل

هو التايه اللي ما تدلّ الطريق خطاه
وأنا مثل قوّاد العمى في ظلام الليل

تعبت ونفذ صبري ولا عاد فيّ اقداه
ولا عاد له قيمة ولا عاد له تبجيل

ما أقدّر سقيمٍ شاربه تنتفه يمناه
أبا ألقى بداله لي صحيبٍ يعدّل الميل