ياشيخة البيض - رشيد الخليفه

ياشيخة البيض يزهاك الدلع والدلال
تدلّلي واعمي اعيون العدا والحاسدين

دوسي على عزة العدوان تحت النعال
تبختري وارفعي راسك ولا ترتخين

قولي لهم مهرة الممدوح ذيب العيال
محمد اللي ليا جات اللوازم يبين

عطيهم إجابة تكفي بقدر السؤال
لا تحسبين لزعل غيرك ولا تنشدين

زين وجمال وكلام صدق ومنسب رجال
ومكمّلك ربّك الخالق بعقل رزين

تفاخري في نسبك وفي عمام وفي خوال
يحقّ لك في جدودك كلهم تفخرين

مغايرة عزوة لا صكّ جال بجال
يشهد على طيبهم حاضر وماض السنين

© 2024 - موقع الشعر