خل النوايا البيض ...

سابق على بذل العطايا وخلك
        في كل صبح وليل راعي وديعه

عند الله المعبود يصبح ( محلك )
        في جنةٍ خضرا ، وغيم ، وطبيعه

اقولها وان كان ماحي قلك ..
       واسمع كلام أهل التقى والشريعه

محدٍ معك ياقف ترا غير ظلك
      ولا حدٍ مع ظله مشى للطليعه ..

اليوم حي وبين ربع وهلٍ لك
     وباكر تخليهم .. وتصبح فجيعه !!

فالحر يُعرف منزله لو يدلك
       والبوم تعرف منزله لو تضيعه ..

والله مايغريه كثرك وقل لك
      ولا ينظر الله للقلوب الوجيعه ..

وأهل النوايا السود لاتستحي لك
      خل النوايا البيض خطوه سريعه

أن ضقت من حالك تضايقت كلك
    وأن ضقت من كونك تضيق الوسيعه