لو أجمع عتيبة و سالم و مسروح .. و عيال عبس و صحبةٍ ما تزاحت - فهد بن ناوي الرشيدي

الضيقة ،،، اللي بالخفا لجت الروح
يا ليتها ... عني تعدت و راحت

لكنها زادت ،،،، على جرحي جروح
و الدمعه .. بعيني عصتني و طاحت

البارحة .. شدّ الفكر و ابعد الشوح
و همومي القشرا ،، بعيني تلاحت

حاولت اخبي ضيقتي و استر البوح
و اخفي جروحن للملا ما استضاحت

و اضحيت .. من حر المشاهيب ملفوح
احاكي ... طيور(ن) لهمي تواحت

لا يالحمام .. اللي غدى يسجع النوح
من نوحتك ،،،،،، كل المعاليق ناحت

لا واهنيك ،،،،، تدٌرج كنّات* و الدوح
ما همتك ،،،،،، دنيا ترّدت و شاحت

شفني تصاغرت الفضا و ادبر الضوح
و الحظ دحدر .. و ابلج العين ساحت

و الهم ،،،،، شيَّد له ميادين و صروح
و الروح من جور الشقا ما استراحت

الحزن شيخٍ في ظلوعي و طحطوح
لأجله ...... بغاديد الحنايا تفاحت

لو اني .. سقيته سم عقرب و ذرنوح
روحه .. فلا حثت ظعنها و زاحت

ما توصف الضيقه تفاسير و شروح
لو ان الوصايف ... عاتبتني و صاحت

يا وين ... انا باروح يا وين ابا اروح
من ضيقتن ،،، جل العروق استجاحت

لو اجمع .. عتيبه و سالم و مسروح
و عيال عبس .. و صحبةٍ ما تزاحت

و مطير و جهينه و شمر و مصلوح
و اهل البلاد .. اللي ورانا تناحت

ما زحزحو همن / لجا و ازعج الروح
و لا كفو .. دموعٍ عصتني و طاحت

كنات * جبل مشهور يقع في عالية نجد شرقاً من حرة بني رشيد
© 2023 - موقع الشعر