يوم العتيبي طال ليله وليله
قامن هواجيسه ينقن ما زان
يقول ياشعري تعلا الطويله
أمدح رجالً بالوفاء شانهم شان
الله يجملني برد الجميله
والله يوفقني ليا سقت اللحان
ياهل البيوت النايفات الضليله
تاريخكم سجل على مر الازمان
قومن على العليا سوات المخيله
وقفاتهم يشهدلها كل ميدان
قومن عزاز وترتكي للثقيله
ترضح لهيبتهم ضواري وفرسان
ذولا السهول اهل العطايا الجزيله
أخصامهم تنهان بالسيف شمان
وانته يابو قاعد زبون الدخيله
طيراً تعلا فوق غرات الامزان
ياسعد منهو فاللوازم يجيله
يقضي لزومه فالمواجيب بطران
فك النشب راع العلوم الجميله
مذخور عودً فالمواجيب دنان
وسعود بن جمعان مابه مثيله
راع العلوم الوافيه طير حوران
صحيح للطيب خصالً فضيله
ياخذ ويعطي لو توطته الازمان
والوقت ودروسه تراها دليله
وانته على رسم التجاريب فنان
وربعك حزامك والقبيله جليله
وعزي لرجلً ماله اعمام وخوان
يستاهلون المدح زين الدخيله
أقولها بالصدق من قلب ولسان
وانا عتيبي عزوتي بالقبيله
من روس روق مرجحه كل ميزان
اهل القنا واهل السيوف الصقيله
فزعاتنا تروي ضمى كل عطشان
الشاعر: رايد فرج العتيبي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.