قوافل الدمع

يا حادي القاف حن افكاري الفطْرّ
عقر بعير الضلوع وهجت نياقي

جعل السحاب ان نشى من صوبك ومطْرّ
يمطر على ديرة الاشواق فاعماقي

قد لي زمن عن بيوت الشعر متشطْرّ
ومسكر الباب واوراقي على اوراقي

لكنك تردني لطروقي البطْرّ
وتقلب الذاكره .. وتقفل اخلاقي

وش خانة الشعر في ماضيك لو سطْرّ
مادلّه النفس عنك وحرر وثاقي

القافية جرح وسيوف السهر شطْرّ
وشلون تفرح طعون الليل عشاقي !؟

لو اللقاء سيل ما سيَّلْ ولا قطْرّ
لن الجفا صخرةٍ طاحت بمعلاقي

عنيت قلبٍ على لاماك يتفطْرّ
يهزه الشوق ويعني قدم ساقي

ما لَدْ في هرجة الشامت ولا نطْرّ
قوافل الدمع لين اصد باحداقي

فلا سقى الله ساعة بعدك , وعطْرّ
قبرٍ حضن هقوتي بك يوم انا هاقي

لو ان لي خاطرٍ عندك مع الخطْرّ
مااقول : يكفي هجر , وتقول لي : باقي