قيمة أتعابك

بسامح .. والحزن نعمة إذا علّمك من ماضيك
بصالح .. والشقى يحلى إذا أهدولك أحبابك

أبي تعرف فقط أنّي .. أحبّك ، ما أطيق آذيك
ولالي بالغدر رغبة .. ولا بترصد إجنابك

أحبك .. أعشقك كلّك .. بكل عيب ومزيّة فيك
أحبك لين تتحمل جنوني وتمسك أعصابك

أحبك لما تهجرني .. أحبك لو تفضّل ذيك
أحبك .. لو تذل قدري .. وتهملني كألعابك

أحبك والوفا يعرف طريقه الكامن بواديك
أحبك والشرف يبقى أبد .. إن بدّد إعجابك

أحبك .. ما أبي أوصل نتيجة .. ربّنا يهديك
أحبك .. واللي عانيته في بعدك قيمة أتعابك