حس المطر

يالبيه...ياحس المطر يوم هل عصير
شعورٍ من النشوه شوي...ويطيرني

لازال المطر يشعرني إن الحياه بخير
لو إن كل ما حولي ب الاحباط يشعرني

معه كل حاجه باهته في حياتي غير
ومعه كل نظره من عيوني تفسرني

ومعه كل غصن اخضر ونسمه ونشوة طير
على عمري بعشرين عامٍ تصغرني)

تلاعج بروقه والمشاعر لها تعبير
مثل ما معاني ذي القصيده تعبرني

حنيني...وأنا اللي لاأزال أعشقك وأغير
يابو قلب فيه من الطُهر ما يطهرني

أحبك...بلا منّه وأحبك... بلا تفكير
ولا غير حبك شيء يقدر يغيرني

ثلاثين عام من التفاني وحث السير
أدّور لوجهٍ مثل وجهك يحررني

من النظره بعين التشاؤم بلا تبري
ومن كل تفكير إزدواجي يكدرني

تعال إجمع أشتاتي ترى اللي فقدت كثير
ولاعاد غيرك من أعْذره ويعذرني

عيونك مرافي شاعرٍ يعشق التنوير
وبسمتك لأبعد من خيالي تسفرني

أحنّك من الونه وأحنّك من التكشير
وأداريك لو يمسي زماني محيرني

ولو اشرح لك اش معناة حبك بقلبي غير
طلع نص شعب أرض الرساله يكفرني