من لايقدر جيتي

لـ مبروك الجابر، ، في الصداقة والاخوه، آخر تحديث

من لايقدر جيتي - مبروك الجابر

من لايقدر جيتي حد بابه
لاعاد في يوم يجي يحتريني

مخطيت في حقه مقدر جنابه
حطيت قدره فوق عالي جبيني

يوم المواقف واضحه وش جرابه
يقول مالي غيركم من عويني

ضاقت به الدنيا ولحدن درابه
كل تخلا عنه شوفي بعيني

واصبح عليه الكون حزن وكأبه
يقول شوفو وش جرى في سنيني

وجيته وجاني يشتكي حر مابه
لاشفت وجهه كل هم يجيني

وقفت وقفه معه مابه غرابه
وقفت وفى من قبل وقته يحيني

يوم ٍ كل بالوفى صك بابه
مديت له بالوصل هذي يميني

وحنا معه لين اهتنى في شرابه
لاشك فرق بين هذا وبيني

واليوم صد ولاحسب لي احسابه
أنكر جميل الطيب بينه وبيني

© 2024 - موقع الشعر