جاهز لقتلي

خيم سكون الحال والصمت سادي
وفي نظرتك تعبير يابنت قاريه

شفت الحزن يابنت عالوجه بادي
كن الفرح ذابت معالم بواقيه

وجوك كانه صار لونه رمادي
هبايباً والجو تراباً تغطيه

وليلك كانه زاد بيه السوادي
وكن القمر ماعاد به نور يعطيه

جاهز لقتلي واصبعك عالزنادي
ذباح(انا من كنت تريد ترميه)

اصبر عليّ وخل عنك التمادي
غديك اتخيرعن هدف كنت ناويه

خلك صريح وخل عنك العنادي
وارجع لقلبك واساله عن خوافيه

انا اشتكي وانت تقولين عادي
عادي(دوايا وداي..مراً وحاليه)

قل كلمتك مابغاك تبقى حيادي
الحب ماله غير اسماً انسميه!

مناي واحلامي وكل المرادي
واكثر شويه بس طبعي اداريه

ومحبتك بالقلب ترها وكادي
في وسط قلباً حيث الاضلاع تحويه

صرتِ علاج الروح ولجرحي ضمادي
مما سبق واللي انا كنت شاكيه

يابعد عمري بين كل العبادي
سعادتي والحب وكامل معانيه

قلبي يجاوب منهو باسمك ينادي
اما السبب:اكيد انك تعرفيه

لو كان قلبك قاسياً او جمادي
لو مانطق..عبّر...ولو قال مابيه

عواد الهران