اواه من قلب

اواه من قلبٍ به اليوم ضيقه
من غالياً حسيت حظي معه مال
 
مابيننا عهداً ولا من وثيقه
الا احروفاً وصفها صوت موال
 
شعرت بحروفه مشاعر رقيقه
وكن الامل يبغاه بالقلب نزال
 
لمّحت انا وحطيت دربي بطريقه
وياخوفتي كانه كما طيف رحال
 
هاجس عبر عشته لمدة دقيقه
تقول فيلم بناظري وسرع مازال
 
اكيد جرحه من سوالف عتيقه
مازال يشوف الجرح في عدة اشكال
 
ياغالياً كلاً يلاقي عشيقه
وكلاً بميزه في مفاتيح واقفال
 
والناس مختلفين في هالخليقه
فطره وتكويناً وموروث الاجيال
 
ودنيا تراها روض والا حديقه
وترى احوال الناس ماتدوم بحال
 
وماكل مايلصف يغرك بريقه
وماكل من هو بالتمني ترى نال
 
ابعد الغالي وصار قلبي بحريقه
ويومن عاد اصبحت في سلة اهمال
 
لاعاد عبرني ولا اسمي يطيقه
وياشاهدي جماد لو هو نطق(قال)
 
يبغى حياته ثم روحه طليقه
حريته ولظروفها هو حلاّل
 
ومع كل هذا طيفهم استليقه
ابغى معه مادام للحرف مرسال
 
انا اشهد اللي قلت كله حقيقه
وانا اشهد اني معه ماني على البال
 
عواد الهران