اكبر خطأ

اكبر خطا قلتيه هو اتحداك
فكره ولا ظنيتها بالذكيه
 
لاداعي لهذا ولا داعي لذاك
فالود سلم وعالم الاريحيه
 
والود حريه ماهو حرب وعراك
ولا اوامر او خطط عسكريه
 
ولا تحدي على طريق مبداك
ولا افكاراً والاسس جاهليه
 
هي المشاعر والحقبقه والادراك
بصمة وجود وماركه عالميه
 
وخطاي اني معك وماني بدنياك
صبرت واخذت الامر بالرويه
 
صيري لعل الوقت يزين واياك
وتعدل الاحوال لو مرحليه
 
واللي حدث ماظنتي كان يخفاك
تغيرت دنياك واكثر شويه
 
متغيراً وش فيك مدري وش اغواك
طريقتك صارت معي ملتويه
 
خدعتني وتقول هذا الذي جاك
وحاصرتني وكويتني كم كيه
 
غدرت في قلباً سموحاً ويبغاك
ابحت غدرك قلت ماهي خطيه
 
واليوم ماظنيت لي قلب يهواك
ذوبت فيا نفس كانت وفيه
 
قلبي نزح ماعاد له شف يلقاك
ماعاد حصل عندكم قابليه
 
كفخ كما طير بشموخه تخطاك
يبي يدور حالة(ن) واقعيه
 
لانغمة(ن)ولا لحن صار طرياك
خلاص يكفي كل ماصار بيه
 
دورت عندي شيء يكون ذكراك
لقيت! لكن وش لقيت.الاذيه
 
ياللاسف يوم انني قلت حياك
حتى ولو كانت مجرد تحيه
 
عواد الهران