رحلت عني

رحلت عني والمسافه بعيده
عانيت بغيابك كثيراً وانا ارجاك
 
معذور ادري لك اسباباً عديده
وظروف حدت بس حنا فقدناك
 
شريط ايامي معك دوم اعيده
وطيفك مرافقني وانا اعيش ذكراك
 
حيثك امل للقلب وكامل رصيده
ثم ان دليل العقل بالوعي وادراك
 
وانتِ الصوره في عيوني الفريده
وسبحان من هو بالتواصيف سواك
 
وضحكت لي الايام وصارت رغيده
اكيد لاجل عودتك ثم لاماك
 
رجعت ثم ان فرحتي بك شديده
ياكبرها فرحه..يومن شفناك
 
انت الغلا ثم الحلا واللي اريده
ومالي طلب يومن انا اكون واياك
 
وانتِ جمال الكون وليا قصيده
وانتِ الامل والصدق هو الذي جاك
 
شفتك وكني شفت دنيا جديده
رغم انني عايش بفلكك ودنياك
 
فرحه تجلت والسعاده اكيده
بانت وانا حللتها في محياك
 
كلام عينك شبه جمله مفيده
افصح من اللي ابتدا من شفاياك
 
فلت احجاجك يوم قلتِ سعيده
ترجمت معناها ولا اظن يخفاك
 
ياجعل ايام السعاده مديده
وياجعل عيني دوم تشوف عيناك
 
ماتذكرين بقولتي لك عنيده
ومع كل هذا بالحشاء قلب يهواك
 
ومامن جماعه غير ولها شريده
وما ورد الا منه لسعه من اشواك
 
عواد الهران