صعب المنالي

كني اشوفك ياهوايا تغيرت
والاكانك غيرتك الليالي
 
ا حساس حسيتة وانا منه عبّرت
لو ماظهر اشعر كانه بدالي
 
هذي حياتك يوم قررت وأخترت
حريتك بدون شك وجدالي
 
في سكتك سافرت وفي بحرك ابحرت
وبالجو متخيلك بدراً يلالي
 
فوق الظنون وفوق مما تصورت
مازلت نبراس المحبة وغالي
 
في عالمي مازلت كالبدر نورت
قمراً وعلى شط البحر والرمالي
 
وقاموس عقلك تهت انا بيه واحترت
وفي خافقك ما من جواب لسؤالي
 
لصراحتي ولمنطقي كانك اصدرت
قرار وكنك قلت هذا تسالي
 
عيشتني في حلم ثم انك ابعدت
ماظل من حالي ياغير التوالي
 
حواسي مع كل مابي حاصرت
ضاق الخناق ومابقى من مجالي
 
ا تعبت حالي وكنك إشوي اسرفت
أشوي مع شوي فوق احتمالي
 
كأس المراره مر شربت واكثرّت
ومنه كأن العقل صابه هبالي
 
ماعاد صبري فاد لو به تصبرّت
ماعاد له مفعول مافاد حالي
 
تدري؟بانك كل مابي دمرت
حتى الامل جاني:بكى واشتكالي
 
ياليتني بدنياك ماعاد خاطرت
غامرت في دنيا شبيه الخيالي
 
ليتك صريح وقلت لي :ليه غامرت
وان حبك بدنياي(صعب المنالي)
 
عواد الهران