سرحت اهوجس بين ربح وخساره
اصفي حسابات يومي وماضيه
ويوماً يجي ماينعرف وش مداره
ومن خبرتي كني انا اليوم قاريه
الليل زاد وثم غطى نهاره
شمس اختفت ماضل من نور تعطيه
ويامل حالاً ماعرفنا قراره
ياحول كان ان القراده بواقيه
والعقل ضاعت حكمته والاداره
واللي بقلبي ضاع وتاهت خوافيه
كني اشوف الكون غيّر مساره
عدم توازن او خلل هو اسميه
وكني ابكتب حرف ماله عباره
ولا ترجمه للحرف تبين معانيه
كني اشوف الحب بدل شعاره
وغيّر ثوابت والهدف مع مباديه
اصبح بليا طعم ولا به حراره
حالة جمود ولا اثاره بدت فيه
وصار الامل حالاً بعيداً مزاره
اصبح سراباً وانا بعيني اراعيه
صرت اتجرع كاس كله مراره
وصار الامل هو المراره بتاليه
واللي اقصده اشعل بقلبي شراره
ثم اختفى ويدري باني انا ابيه
*** عواد الهران***
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.