مامن اسف

لـ عواد الهران، ، في غير مُحدد

مامن اسف - عواد الهران

البارحه ليلي قضيته هواجيس
واقلب افكاري على كل حالي
 
الظرف صنفني بصنف المتاعيس
لازان يومي ولا وقتي صفى لي
 
روحي ذوت مثل الغصون الميابيس
يومن حداها الوقت والحظ مالي
 
ودموع عيني بالمحاجر محابيس
عبرات ماخلت لحالي توالي
 
والعقل كنه ضاع بين الوساويس
عزيل من حاله غدت مثل حالي
 
كتبت قافي فوق بيض القراطيس
ذكرى وليف(ن) كان بالقلب غالي
 
مامن اسف يومن تضيع المقاييس
يذوب فيها الصدق ويصبح محالي
 
حيثه بنى بيني وبينه متاريس
حواجز وجسور والسد عالي
 
قطب جبينه والحواجب معابيس
جواب واضح مايبي له سوالي
 
درب السهل صارت برايه عواكيس
ودرب الجنوب اصبح بعرفه شمالي
 
احساس بان ومايبي له قواميس
وحبل الوصل صارت طريقه زوالي
 
اكيد دربه زينوها مناجيس
اللي وظيفتهم ترى فلان قالي
 
ومفرقين(ن) مجلس(ن) به موانيس
وقلوبهم للصدق مابه مجالي
 
اهل نفاق وللشماته جواسيس
ياكبر همه....صار معهم موالي
 
صدّق قليل الحظ قول المفاليس
ياحول: ماني خابر(ن) به اهبالي
 
مافكر ان الود جملة احاسيس
صدق وصراحه واحترام وكمالي
 
عواد الهران
© 2024 - موقع الشعر