عاصفة الحزم

ياخادم البيتين والشعر بك زان
تنطق حروف الشعر والصور حيه

ياسيدي انت الفخر وانت الانسان
شريعة الاسلام لك مرجعيه

ياسيدي يارمزنا ثم عنوان
يامعطي الاسلام كل اولويه

ياسيدي للصدق والحق ميزان
وعندك وجدنا كامل المنطقيه

ياسيدي اليوم هو يومنا حان
تنعاد سيره من لهم افضليه

امن الوطن مطلب غالي له اثمان
اثمانه نفوساً وترخص زكيه

ارض السعوديه مثبت لها اركان
ومرحوم ياعوداًحسمها قضيه

ثبت اركان الدين من عهد وازمان
وحارب عدو الدين والرافضيه

واليوم بانت زوبعه كلها اجنان
القاعده والحوث والداعشيه

وصار التطرف والتلعب بالاديان
وبدت معالم كامل العنصريه

وصار اليمن اشبه بملعب وميدان
تلعب به الاحزاب والطائفيه

لعبوا به الجهال والبعض له خان
يبغونها لحكام فارس هديه

صالح وحوثي ومن تبعهم من اعوان
سماسره تمويلها فارسيه

تمردوا واصبح بلد مابه امان
ماشافوا الموضوع بعين الرويه

الكون يدري يوم طالبت باحسان
طالبت اطياف اليمن حسن نيه

لكنهم صاروا على الشعب عدوان
والصلح اصبح ماله الفاعليه

نادى المنادي والحدث كان برهان
حكم اليمن اصبح بديناً خفيه

وهادي طلب نجده يوم الامر شان
"ياخادم البيتين صرنا ضحيه"

عقب النداء بدون طبلاً ولا اعلان
سلمان والخليج نفوساً وفيه

اهل زعامه يوم حزت الاكوان
وعند اللزوم الكل يعرف اخيه

وهب الخليج ملبياً صوت سلمان
بعاصفة مجلس تعاون قويه

بعاصفة الحزم والوفاء لاخوان
حزم الخليج بكامل المعنويه

ياسيدي قدت السفينه بايمان
وبانت ملامح يعرب العسكريه

جهاد واضح في تفاسير قران
دستورنا والحال به سرمديه

وصقورنا بالجو والبحر فرسان
وقوات بريه لها جاهزيه

ارض الجزيره واليمن عين باجفان
تاريخنا ثم اللغه والهويه

يمن عرب ماهو لفرساً بايران
تاريخ وموثق به الواقعيه

يابو فهد يامجدداً عهد قد كان
يحميك رب الكون من كل سيه

لبى نداك اصحاب من عدة اوطان
عرب اسلاماً مع دول عالميه

يالمعتصم ذكراك عادت لها اشجان
لبيت من صاحت ببلاداعجميه

عواد الهران