رد على قصيدة الجدران كثيره - حسن عامر

عيسى المحبي:
.
من يمدح الأجوادماهو بغلطان
هذي سلوم الناس في كل ديره
في وقتنا الحاضروفي كل الأزمان
الكفو يمدح والتجارب وفيره
كم قالوا الشعارفي كل ميدان
شعر المدايح والمعاني الكبيره
نمدح هل المعروف وطوال الأيمان
أهل المكارم والوجيه السفيره
والشاعر اللي له على المدح برهان
مفروض نفخر به ومكثور خيره
مايجحد المعروف لوكان من كان
إلا قليل العرف وأعمى بصيره
وإن كان أحد من مدح الأجواد زعلان
قل له ترى الجدران حولك كثيره
......
.
حسن عامر:
.
يالله يالمطلوب يا العالي الشان
يا عالمٍ بالبينه والسريره
يامن نصر موسى على جيش هامان
واهلكت فرعون الخبيث ووزيره
وابن صباح اعدت له قصر دسمان
يوم الفهد واساه واصبح خشيره
تدلنا نمشي على درب الاحسان
وجنب خطانا من الدروب العسيره
واذا تعصبنا مع فلان وفلان
بكره تشوفون انقسام العشيره
وضعنا وصارت تفرقه بين الاخون
وكلن على ما راد يشعب بعيره
مافيه نار الا بولعه ودخان
وتحت الرماد أمور واشياء خطيره
© 2024 - موقع الشعر