الجمال اليوسفي

ماحدّني للصمت قل الاهتمام
للصمت حكمه في القليل من الملا

المشكله ماهيب فيني .. في الكلام
وين الكلام اللي يصف حجم الغلا

ياللي عشقك القلب لاحدّ الهيام
يامرحبا بك في خفوقي ياهلا

اي والله احبك ولا فيها ملام
يالايم العشاق جعلك للبلا

اليا ابتسمتي في دجا ليل الظلام
اشرق صباح النور والليل انجلا

جمال وجهك ما يغطيه اللثام
هذا الجمال اليوسفي ولا فلا

وان سلهمت عينك عليّه بالحرام
مادري بجنب الناس ولا فالخلا

الخافي اعظم فيك يابدر التمام
بالمختصر كلك حلا كلك حلا

في شوفتك مسك البدايه والختام
سبحان من صوّرك ياريم الفلا

أحتاج لك حاجة بنادم للطعام
يازاد قلبٍ من محبتك امتلا

لاتشتكي بلوى المحبة والغرام
شيئاً طبيعي كل مؤمن مبتلى

هذي مشاعر من يحبك والسلام
من شاعر يوصف شعوره من .. إلا

قصيدةٍ ياجعلها قد المقام
فدوة عيونك ياعساني ماخلا

#رائد_العالي