خلاص -- بح طار !!

احتوتني غيبتك لين انطفيت
 
 
 
…………. واحتواني منك كل الإنتظار
 
 
 
وانقضت مني دموعي لابكيت
 
 
 
……….. كني بغزة على وقت الحصار
 
 
 
ياعساني لا شهقت ولابكيت
 
 
 
………… لا حملت الهم منك ولا أغار
 
 
 
ولا عساني من لظا هجرك دعيت
 
 
 
………. ولا عساها لحظتن فيها انكسار
 
 
 
البلا مو فيك لا منّك نسيت
 
 
 
………….. البلا ف اللي تعلق بك وحار
 
 
 
تحتبس فيني معاني كل بيت
 
 
 
…………. صيّرتني ضايعن بين الديار
 
 
 
صيرتّني ليلتن من دون ليت
 
 
 
…………. صيرتّني غارقن وسط البحار
 
 
 
بس .. لا منّك على حبي نعيت
 
 
 
…………. خلي كل اللي مضى ولّى وغار
 
 
 
واصبري لحظة تراني ما انتهيت
 
 
 
…………… اسمعي من خاطري آخر قرار :
 
 
 
من تركتيني وانا كنّي هديت
 
 
 
…………. أعرفه حبك دمارن في دمار
 
 
 
وياكثر من هو نصاني لا رميت
 
 
 
…………… الذهب (قلبي) وانا كلي افتخار
 
 
 
وان بغيتيني تراني ماهقيت
 
 
 
…………. اختفى قلبي , خلاص .. بح طار !