جيت أنام البارحة وطار عني النوم طار

لـ فيصل الجابري، ، في الغزل والوصف، آخر تحديث

جيت أنام البارحة وطار عني النوم طار - فيصل الجابري

جيت أنام البارحة وطار عني النوم طار
يوم شفت الظامية مستدلة وغاوية

قلت يمكن الصواديف جابتها مرار
أو إنها متعمّدة سارحة وضاوية

أشغلت عقلي وروحي وأشعلت في القلب نار
حرْقها ياويل ويلي مثل حرق الكاوية

أشغلتني طول ليلي وأشغلتني بالنهار
ناوية تحرق قليبي عليها ناوية

أشغلت عقلي وحار .. حار فيها الفكر حار
كيف يأخذني الغضي من يدي للهاوية

أعرف النار الكبيرة أصل مصدرها شرار
وخفت لا يكون الشرار مصدره هالزاوية

وما توقعته حصل .. صدّرت ضدي قرار
والله إني ما قدرت أقول مالك لاويه

غصب عني ما سلمت ولا بينفعني الحذار
كيف أبقوى اللي عيونه عليّه قاوية

اسمعيني يا الغرام أبغى أقولّك باختصار
انتي للقلب الطبيبة وانتي لي مداوية

أمّا قولي مرحبا بالمسيّر يوم سار
ولّا قولي انتحر وجنب بيتي حاوية

© 2024 - موقع الشعر