خالد منصور - خليف الوهيداني

ياولد منصور .شل ليه قصيده
واصبر.. بشيلتك .بالقيمه عليه

يطلبك من مابقاله في رصيده
بالنهار اللي. نزل راتبه ميه

ودي اسمع منك لي شيله جديده
والقصيده ياعريب الساس ليه

ياولد من طيبهم طبع وعقيده
الحرار. النادره .و..الصيرميه

اهل .الوقفات.. بايامآ شديده
واهل الفزعات. ورجال الحميه

رجلهم ذخرن لربعه ..ولعضيده
وللمراجل... مايحسب.. للمنيه

وكسبها لوهي على قطعت ورديه
وردها. لو راح بالورده .ضحيه

مثل حرن شافله بالعين صيده
وصاحبه قال اذكروا رب البريه

وطلبوا رب. العباد .انه يعيده
سالمن من .كل شر وكل سئيه

وانت ياجزل القصايد والنشيده
ويامنومس لابتك روحه وجيه

بالمراجل  ..ماتقفاك ..النقيده
تعجب .السامع باشيلاتآ عذيه

ياولد منصور. يالزحل الوليده
ياعريب. الخال.. يازبن الونيه

ياسند من جاك من دارن بعيده
يالخوي اللي تنومسبه .خويه

طلبتيلك يازحل ماهي مكيده
انت تنخا... بالمواقيف القويه

وانت منصا بالكويت وفي بريده
وانت من يطلب وجاهك في قضيه

والله.. اللي. يفعل اللي مايريده
ماذخرت بامطلبي مافي يديه

© 2024 - موقع الشعر