اللي يجنب محلي

اللي يجنب محلي ما علي منه
ان مر قلنا هلا وان راح مسموحي

لا صار مابه رفيق وافي فنه
كثر المشاريه غربالٍ على روحي

بعض العرب لا نصحته زاد به جنه
من داعي الخير لا يسمع ولا يوحي

مطغيه طيش الشباب ومخلف ظنه
مريوح ومرافق المريوح مريوحي

الله يثيب العذارى يوم عافنه
ما للغنادير فالخبلان مصلوحي

من ضحكن الليالي السود بكنه
ماهيب كل الليالي ضحك وفروحي

الصبح لا صاده الصياد ما حنه
الوقت دوار والمطرود مطروحي