أهـلاً عــدد مــا انهـلّـي

أهلاً عدد ما انهلّي
من امزون الغمام

او شرتاً هواه امطلّي
برّي سوّى كتام

بالجيل لي عانلّي
موزون أو له نظام

دكتورنا شاكلّي
وانا له بالتزام

لي ما الغضي معتلّي
معذور ما ينلام

فرقا المحبّ اتخليّ
لك العظام احطام

والحال لك منحليّ
وتعاني من السّقام

عيد الوصل للخليّ
في بعض من ليّام

شوف الحبيب إيسليّ
او يشفي اجروح إجدام

خلّ الهموم إتولّي
اوقوّ الصّبر باعزام

خلّك حسين الدّليّ
لي له اخدود انعام

عين المها لمفليّ
وصله عليك الزام

عوده ايغدي لك ظليّ
عن لفحات السّهام