إعتذار

كنّت أحس الكون ينهار ابمهل
كنّت أحس العجز فيديني سوار

شفّت رمل العشق يتحوّل وحل
والأماني اطّير تتلاشى غبار

ألتفت حولي ويحاصرني الزعل
ارجع بذكراي .. هو صح إللي صار ؟!

والله وقت البعد قلبي ماغفل
صرت أشوف اسمك على خد النهار

وامسح الدمعات واهجر كل محل
فيه لجروحك أثر .. فيني إنكسار

ليتني أعطيت فرصة على الأقل
ماجرحت ابلا وعي وابلا إنتظار

وماتركتك كنّي لغز ابدون حل
السكوت أحيان يرّمز للقرار

بس ماعنّدي شرّح ل إللي حصل
مدري هذا عناد أو أنّي أغار !

وانت ياعمري وحياتي وكل أمل
اقتطف من اقرب عروقي اعتذار

العتب منّك يجي بمثّل العسل
تكفى عاتبني / بشخبط ع الجدار