خانتني احظوظي

لـ علي باعوضة، ، في غير مصنف، آخر تحديث

خانتني احظوظي - علي باعوضة

ياهل الشعر وهل الادب وهل الثقافة والفنون
اسرجت خيل الشعر واشواقي تسابق للحروف

هاجس سرى بي والقوافي جابها من كل لون
يم البحور الهايجة والشعر لي ماله وصوف

الشعر حبه عاش في قلبي وباني له حصون
ادخل ميادينه اقف شامخ معه بين الصفوف

يا كم نظمته في ظلام الليل وسهرت العيون
لا جل الوليف اللي اخذ قلبي وانا عيني تشوف

وقفى. ودمعي فوق خدي مثل ما طش المزون
واليوم انا ضايع مقيد بين حزني والظروف

اذرف دموع البعد من لوعة فؤادي والشجون
هايم مع أحزاني وحظي ساقني يم لحتوف

ياهل الهوى وين الطريق عاشق مهدد بالجنون
راحت سنين العمر وطيوفه على بالي تطوف

ليته درى بالحال كان يقدر القلب الحنون
اللي عشق قربه وفي وصله على بعده شغوف

اهديته اسنيني وأيامي لاجل عينه تهون
علقت قلبي به ولاله في هوى غيره شفوف

اشعر باني عايش الدنيا في ابعاده بدون
شمس المحبة في غيابه مكتسيه بالكسوف

ياما سهرت الليل كله والعرب به. يرقدون
وياما مسحت الدمع في خلوة غرامي بالكفوف

خانتني احظوظي وانا وافي ولايمكن اخون
الله لاجاب الليالي لي مضت هم/ن وخوف

كم عذبتني بالسهر ياكم تمنيت السكون
كم جردت للحزن في ليلي عليه من سيوف

© 2024 - موقع الشعر