جاهل اللي يظنني أجري وراه

جاهل اللي يظنّني أجري وراه
من خلقني خالقي ما أتبع أحد

راسي مرفوعٍ ولا واحد شراه
من هو اللي يقدر يساوم أسد

أسري ليلٍ ما أحد مثلي سراه
وأطوي أرضٍ من جبال ومن جرد

أسافر لوحدي إذا الخاطر طراه
ولا أخاوي بسفرتي أهل الحسد

ولا أدوّر للّي يحميني ذراه
غير ربي الواحد الفرد الصمد

هذا علمي لمن يبي عينه تراه
ولا يهم إن كان أنكر أو جحد

ومن قراه يبلّغ اللي ما قراه
ماهو طبعي أطرد المقفي أبد